Transcription
1
Monsieur, je vous ay escrit du XIIe de ce moys ce que
2
ce pourteur povoit espérer de sa poursuitte. Nous n’avons
3
poinct heu de voz lettres puis celles du XXIIe du passé
4
que ce mesme pourteur nous rendit. J’attendz des novelles
5
des conclusions des estatz, n’ayant heu lettres de messieurs
6
du pays puis les leurs du XIIIIe du passé. Le roy est il y a
7
deulx jours à Saint-Germain-en-Laye avec Monseigneur le duc
8
et le roy de Navarre. Le reste de la cour est en ceste
9
ville où le roy sera de retour demain, comme l’on estime. Ses
10
jours passés, on estoit en quelque bonne espérance que monsieur
11
de La Noue negotieroit heureusement la réduction de
12
La Rochelle, mais on en pert du tout l’opinion, et tant s’en
13
faut que l’on tient que ceulx de La Rochelle ne veullent
14
laisser revenir ledit sieur de La Noue, mais le veullent
15
retenir. Il ne se treuve pas avoir pourveu à sa seurté
16
par hostages, comme je vous avois cy-devant escrit, vous pourrés
17
avoir de mes lettres autres advant l’arrivée de ce pourteur
18
devers vous, par la voye de la poste. Vous pourrés aussi avoir
19
receu celles du roy respondantes aux votres du IIIIe et
20
XVIIe du passé. Voz lettres pour Grane sont sur le seau. Je ne
21
scay si monseigneur le prince vous en aura accordé la chastelenie
22
et envoyé les provisions, si ay-je escrit à Bazemont de m’en
23
advertir. Le sieur de Stanay est prisonnier ez mains du prévost
24
de l’Hostel et renvoyé à la court de parlement de ceste ville.
25
C’est pour le faict du saccagement qui avoit esté entrepris
26
après que le roy fut dernièrement party pour aller en Brye.
27
J’estime que l’évasion du sieur de Saint-Romain ne luy profitera
28
pas car je coneus que la royne en estoit picquée. N’ayant
29
autres novelles, je feray fin en priant Dieu,
30
Monsieur, qui vous doint très longue et heureuse vie. De
31
Paris, ce XVIIIe décembre 1572. Vostre très humble
32
serviteur
33
So. de Boczosel
34
35